လူရယ်လို့ ဖြစ်လာပြီဆိုရင် တာဝန်တွေ ဝတ္တရားတွေပါ တွဲပါလာတတ်တာမျိုး။ ဒါကလည်း လူသားပီသရလေ အောင် စွမ်းဆောင်ပေးတဲ့ စွမ်းရည်တစ်မျိုးလို့ ဆိုရမှာပါ။ တာဝန်မကျေသူကို လူအများကမချီးမွမ်းသလို ဝတ္တရား ပျက်ကွက်သူကိုလည်း ကဲ့ရဲ့တတ်ပါတယ်။ ဒါကြောင့် တာဝန်နဲ့ဝတ္တရားဟာ လူသားအတွက် မရှိမဖြစ်လိုအပ်တဲ့ အရည်အသွေးတစ်ခုပဲဖြစ်ပါတယ်။

ကံ၊စိတ်၊ဥတု၊အာဟာရဆိုတဲ့ အကြောင်းတရားလေးပါးနဲ့ ကင်းတဲ့ သတ္တဝါဆိုတာ လောကမှာ မရှိပါဘူး။ လူဆိုတဲ့ သတ္တဝါအတွက်ဆိုရင် အကြောင်းတရားလေးပါးလုံး အသက်တမျှ အရေးကြီးပါတယ်။ ကံက ဘဝကို ဖန်တီးပေးလိုက်တာမှန်ပေမယ့် ဘဝတွေဆက်လက်ရှင်သန်နေစေဖို့ စိတ်ကိုလည်းကောင်းအောင် ထားဖို့လိုအပ်သလို၊ ကိုယ်နဲ့သင့်တော်မယ့် ရာသီဥတုဖြစ်တဲ့ အပူ အအေးများကိုလည်း ရွေးချယ်ပြီးနေဖို့လိုအပ်သလို စားစရာ၊ သောက်စရာများကိုလည်း အဆင်သင့်သလို စားသုံးဖို့ လိုအပ်ပြန်ပါတယ်။