ပြီးတော့ ၃။ သုတ ပေါ့။ သုတဆိုတာ အကြားအမြင်များတာ၊ ကြားထား မြင်ထားတာကို လက်တွေ့အဖြစ်အသုံးချတာကိုပြောတာပါ။ သိစရာနဲ့ပတ်သက်ရင် သိပ္ပပညာ (နျူးကလီးယားပညာဖြစ်ပါစေ) ကိုလဲ သိအောင်လုပ်ထားရပါတယ်။

သူများကိုသာ ယုံပြီး ကိုယ့်ကိုယ်ကို ယုံကြည်မှု အားနည်းရင် တိုးတက်ဖို့ခက်သလို ကိုယ့်ကိုယ့်ကိုယုံကြည်မှုလွန်ကဲပြီး ရတနာသုံးပါးမယုံကြည်ရင် လွတ်မြောက်ဖို့မလွယ်ပါဘူး။ သေချာတာကတော့ ရတနာသုံးပါးကို ယုံကြည်မှု မရှိသူတစ်ယောက်ဟာ ဘယ်တော့မှ မဂ်တရား ဖိုလ်တရား မရနိုင်ဘူးဆိုတာပါပဲ။

သုံးဆယ့်တစ်ဘုံဆိုတဲ့ လောကကြီးမှာ လူအမျိုးမျိုး၊ နတ်အထွေထွေ၊ သတ္တဝါအဖုံဖုံနေထိုင်ကြပါတယ်။ သတ္တဝါများထဲမှာလဲ ကောင်းသူ၊ ဆိုးသူဆိုပြီး နှစ်မျိုးကွဲသွားပြန်တာပေါ့။ လူဆိုတဲ့ သတ္တဝါထဲမှာ ကောင်းသူကို သူတော်ကောင်းလို့ သတ်မှတ်ကြပါတယ်။